我記得第2次做皮秒激光嘅時候,做完色素頭後,凹凸洞頭全面打完,再重點打落啲凹凸洞度,哩次打嘅能量比第1次強,所以面部有少少紅,但第2日已經退晒紅。如是者,我做Pico,能量一次比一次強,不過有1次因為兩日後有影相工作,而我又唔想打得太弱,所以佢哋就用能量低啲,但次數打多啲嚟代替,果然打完面又唔會好紅,而且退紅亦退得快,佢哋真係好貼心,會按我實際要求同情況幫我處理。
哩6次皮秒激光療程,我覺得效果最快係去色素,塊面白淨咗,膚色均勻咗,連我以前因為暗瘡印搭印嘅色素沉澱位都淡返,如果係新嘅暗瘡印(我會間中生一兩粒暗瘡)做完大約兩日,個印已經淡咗7成,跟住會愈來愈淡。
至於凹凸洞方面,我有啲洞深啲,有啲洞淺啲,淺果啲洞基本上已經好咗8成,而真係比較深嘅洞都好咗6成,所以比較深啲洞真係需要花多少少時間去修復佢。